3-р улирлын шалгалт: Анализ

Шалгалттай холбоотой нэг анализ бичье дээ. Статистик материал нь хангалттай сайн байгаа болохоор хийхэд асуудал алга.

Тайлбар

Сорил авах бүрт:

Сорил #n

• Бодлого: Бодлогыг нь сканнердаж тавина. Дэвтэр дээрээ наах, эргэж харах гэх зэрэгт хэрэгтэй байх аа.
• Анализ: Анализаа энд хамгийн эхлээд тавина. Уншиж байгаарай. Мөн .pdf өргөтгэлтэйгээр хэвлэхэд бэлэн байдлаар тавина. Хэвлэх хэрэгтэй гэж үзвэл бэлэн.
• RANK: Шалгалт бүр дээр оноо авсан хүүхдүүдийн жагсаалтыг тавина. Хэн хэр байгааг харах буй за.
• Бодолт: Бодолтыг нь хэн нэгэн хийгээд, сканнердаж тавина. Одоогоор нэг хүн 2 сорилын бодолтыг хийж байгаа. [Сорил 7, 8-г хийх хүн байна уу? :D]
• Standings: Дундаж оноогоор байр эзлүүлнэ.

гэсэн 5 бичлэг хийхээр төлөвлөж байна. [Standings-г сорил 6-с эхэлж тавина.]

-------

Бичлэг бүрт label зүүж байгаа. Нийт Label-үүд блогийн баруун мөрөнд харагдаж байгаа учраас зөвхөн хүссэн сэдвээрээ бичлэг унших бол тэрийг ашиглаарай!

 -------

Асууж тодруулах зүйлс, эсвэл сайжруулах санал байвал хэлнэ үү!

Сорил 6: Бодолт

6-р сорилын бодолтыг Анар-Эрдэнэ хийж гүйцэтгэлээ. Баярлалаа! 

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 6: Анализ

Сорил 6.

Ерөнхий дүгнэлт: Энэ удаагийн сорилд харьцангүй амархан бодлогууд хэд хэд байлаа. Тийм ч болохоор бидний дундаж оноо ч харьцангүй өндөр гарч, зөв бодолтууд ч унших сайхан байлаа. Баяр хүргэе! :D Энэ эрчээ алдахгүй шүү. Хүнд, хүндэвтэр бодлогуудыг сорил дээр боддог болох нь бидний зорилго болно.

Талархууштай нь квадрат тэгшитгэлийн ХИУ, ХБУ олох бодлогыг 6-дах удаагаа сорилд оруулсан. Харин энэ удаа 3, эсвэл 4-хөн хүүхэд л энэ бодлого дээр оноо алдлаа. Тэр хүмүүс анхаараарай! Энэ сэдвийг одоо л нэг бүрэн гартаа оруулсан байх аа.. гэж бодож байна. Харин 7-р бодлоготой [Аналитик геометр] яг адилхан бодлогыг өмнөх сорил дээр авсан байсан. Тэгэхэд гүйцэтгэлийн хувь тийм ч сайн байсангүй. Тэгэхдээ өмнөх сорилоос бол дээшилсэн. :)

Тэнгэрт ниссэн худлаа бодолт, элийрсэн нисэлтүүд өмнөх сорил дээр нээх байгаагүй, энэ удаад ч гэсэн бага байсан. Та бүхэн сайн байна аа!

5-р сорилын аваргууд: zoloogg [MAX. Personal best], Оюун-Эрдэнэ.Ш [PB. Тригнометрийг гүн ухаанаар бодсон. :P], Сувд-Эрдэнэ.О, Энэрэл.Ж, Хангайбаяр.С [PB + Хариулт бүр нь зөв. 100%], Билгүүн.А [Бүх бодлогоос оноо зулгаасан + PB-C], Оюун.С [PB-С Огцом сайн өсөлт. ]

Нээрээ энэ удаа анализаа өдөрт нь бичлээ шүү! :D Бодолтыг хийсэн Анарт баярлалаа!

Бодлогын анализ:

1. Квадрат тэгшитгэлийн ХИУ, ХБУ: За. Ийм бодлогыг бол одоо алдахаа больсон байна аа. Ер нь бол илүү дутуу юмгүй амархан бодлого байсан. Алдсан хэдхэн хүн анхаарна биз! Бодолт нь гэвэл уламжлал ав, экстримум ол, муж дээрээ орлуул. Дуусаа. 12 оноо. ТӨСӨӨТЭЙ БОДЛОГО: х18-15

2. Тригнометр тэгшитгэлийн шийд олох: Бодох арга нь бол гайгүй ээ. Эмхэтгэлийн томьёо, эсвэл нийлбэрийн томьёо ашиглаад л гаргачихна. sin75=cos15 ; cos75=sin15 гэсэн орлуулга хийж болно. Зэрэг бууруулах томьёо ашиглаж болно.. гээд л ер нь бол хүссэнээрээ л бодож болно. Алдсан хүмүүсийн хувьд хамгийн сонирхолтой алдаа, нэлээн хэд байсан, гэвэл sin30, cos30, sin45-н утгыг худлаа орлуулсан байсан. :P Дараагийн түгээмэл алдаа нь арфиметик алдаа. Тэгэхдээ голдуу нэлээн тойруу аргаар, их үйлдлэтэй аргаар бодохдоо ийм алдаа гаргасан. Сайн арга сонгож бодохын давуу тал энд харагдана аа. ТӨСӨӨТЭЙ БОДЛОГО: х99-34, 37

3. Логарифм тэгшитгэл эмхэтгэх: Суурь шилжүүлэх томьёо, үржвэрийг нийлбэрээр задлах 2 аргыг мэддэг байхад болчихно. Өмнөх шалгалт дээр логарифмийн үйлдлийг нэлээн алдсан байсан, харин энэ удаа цөөхөн алдсан нь сайн байлаа. Алдаж буй цөөн хүмүүс ер нь бол анхааралгүй байдлаасаа л оноо алдсан. Хийгээ багасгаарай. Аа нээрээ, дахиж логарифмийн үйлдлэл алдсан хүн гарах юм бол хариуцлага тооцно шүү! :P ТӨСӨӨТЭЙ БОДЛОГО: х106-24

4. Прогрессийн гишүүн олох: Хаха. Өмнө нь иймэрхүү бодлого байгаагүй болохоор гэнэдүүлсэн шүү! Прогрессийн чанарууд болох: (1) Арфиметик прогресс: a_1+a_3 = 2*a_2 (2) Геометр прогресс: a_1*a_3 = (a_2)*2 гэдгийг бичиж байгаад л 2 үлмэдэгдэгчтэй систем бодоод a,b тоог гаргаж болох байсан. Үйлдлэл нь ч нээх хэцүү биш. Та бүхний дийлэнх нь алдсан алдаа гэвээс прогрессийн ялгавар d=0, q=1 байж болно оо. :D Эдгээр тохиолдолд “тогтмол прогресс” болно. Нэг ухаантай, нэр нь Э-р эхэлдэг хүн толгой дотроо хэтэрхий хурдан бодоод, гар нь арай удаан хөдлөөд байна лээ. Тайван бодож байх сайхан сануулга болсон байх аа. :D х59-12

5. Тойргоос шулуун хүртэлх хамгийн бага зайг олох: Эвтэйхэн бодлого ч бас биш л юм. (1) Хамгийн ойрхон зайг олохдоо тойргийн төвөөс шулуун хүртэлх зайг олоод, тэндээсээ радиусыг олчихвол амархан гарч байсан. Жишиг бодолт дээр байгаа шүү! (2) A цэгийн координатыг олохдоо хүссэн аргаа л хэрэглэж болно. Ер нь бол x=y байх чанарыг нь анализаар олоод, тойргийн тэгшитгэлээсээ олох нь хамгийн амархан арга. Байгуулалт хийгээд, төсөө бичээд, бодолт хийсэн ч болох л байсан. Алдаа гаргах боломж илүү өндөр. Ер нь хамгийн амархан, хүчтэй бодолтыг сурахад анхаарч байвал сайн шүү! Алдааны тухай гэвэл... байгуулалтаа сайн хийгээгүйгээс болж буруу бодолт хийсэн тохиолдлууд байсан. Ер нь аналитик геометр дээр координатын систем дээрээ байгуулалт хийж байх хэрэгтэй байх. х87-57

6. Синусын теоромоор гурвалжныг шинжлэх: Ойрдоо синусын теором ашиглаагүй болохоор мартсан уу, үгүй юу? Энэ бодлого 20 оноотой байсан. Хүсвэл амархан бонус оноо авахаар л байлаа. Хэрвээ тэгж бодохгүй байвал хойшоо анхааралтай уншаарай! (1) AC-г бол 30 секундэд л олно. Синусын теором бичээд л болчихно. Маш амархан 10 оноо! [Олон хүн энэ оноог авсан шүү! Амархан бодлогыг олж харж чадсан.] (2) Энэ хэсэг арай төвөгтэй. Сайн харах юм бол олох юм маань синусын теоромтой адилхан байгаа. Тийм болохоор синусын теором бичиж байгаад AP/sinK утгыг минимумчлах [AP гурвалжны өндөр болох үед минимум утгаа авна] замаар бодлогыг бодох нь хамгийн амархан байлаа. Косинусын теором бичих зэрэг хэд хэдэн өөр аргаар бодсон ч болно. Тэгэхдээ арай төвөгтэй. Алдсан нөхдүүд гэхээсээ илүү бодолт хийгээгүй нь арай олон байсан байх. ТӨСӨӨТЭЙ БОДЛОГО: х28-13

7. Аналитик геометр: Бүх сорил дундаас хамгийн амархан 7-р бодлого гэж хэлэхэд буруутахгүй байх аа. 1-рт 4-р сорил дээр яг иймэрхүү бодлого бодсон. 2-рт хичээл дээр бодсон бодлоготой 80% адилхан байлаа. (1) шулууны тэгшитгэлээ бичиж байгаад x=0 ; y=0 гэж орлуулаад P,Q цэгээ олж ав. Пифагорын теоромоор талбайг нь амархан олчихно . (2) 2 аргаар бодож болно. Амархан нь кошийн т/б ашиглах. Энэ аргаар бол 10 секундэд л хариугаа гаргаж авна. Эсвэл уламжлал олоод, экстримум ч олсон болно. Хэцүү бол биш, тэгэхдээ хянамгүй байх хэрэгтэй. Хэрвээ алдсан бол оролдож үзээрэй! Алдсан бодолт байсаан. Хамгийн анхаарал татсан нь 1/x -с уламжлал аваад Logx болгочихсон нөхдүүд байсан. Интегралтайгаа холиод л. Хаха! ТӨСӨӨТЭЙ БОДЛОГО: х114-28

Сорил 6 нэг иймэрхүү л байлаа. Олон хүмүүс хувийн дээд амжилтаа тогтоосон тул баяртай байгаа байх аа! [Миний PB-A болохоор бас баярлаад л байна. :P] За энэ эрчээрээ цаашаа дүнгүүдээ өсгөөд л явна шүү! Амжилт хө! Асуух юм байвал асуугаарай.

Хүндэтгэн ёсолсон: Хурдан шивдэг zoloogg. Хажууд харж зогссон Bilguun.A

======

Татаж авах: Dropbox

Сорил 6: Бодлого

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 5: Бодолт

5-р сорилын бодолтыг Анар-Эрдэнэ хийж гүйцэтгэлээ. Баярлалаа! 

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 5: Анализ

Сорил 5.

Ерөнхий дүгнэлт: Ерөнхийдөө бол дундаж л хийсэн байна. Ганц анхаарууштай, эхэнд хэлмээр юм нь тэнгэрт ниссэн тэнэг бодолт хийдэг хүмүүс цөөрсөн байна. Энэ бол нэг талын дэвшил. Тэгэхдээ алдаа нь багасахгүй л байна шүү!

Квадрат тэгшитгэлийн ХИУ, ХБУ олдог бодлогоор 5-дах удаагаа шалгалт авлаа. Энэ удаа авсан бодлого нь бүүр багшийн номон дээр байдаг хэлбэрээрээ ирсэн. Тэгэхэд хүүхдүүдийн авсан оноо хангалтгүй байгаа нь сул тал шүү! Сайжрах оролдлого санаанд хүрэхгүй байгаа юм шиг л харагдаж байна. Уул нь сэдэв нь нээх хэцүү биш л санагдах юм.

Комбинаторик, магадлал дээр ер нь бол бөөндөө тааруухан л үр дүн үзүүлнэ гэж таамаг дэвшүүлж болох юм шиг байна дөө. Энэ удаа ирсэн гурвалжин тоолох бодлогыг бол асар хангалтгүй бодсон. Энэ сэдвийг хаврын сургалтаар заахад нь анхаарч хараарай, сүүлчийн найдлага!

5-р сорилын аваргууд: Саруултуяа.О [хамгийн өндөр оноо + 7-р бодлогыг ганцаараа бүтэн бодсон + 5-р бодлого дээр гүн ухаан гаргасан], Золзаяа.Б [Бичсэн бүх бодлого дээрээ оноо авсан, эхний 3-г бас бүгдийг нь бодсон. Ийм л байх хэрэгтэй], Хэрлэн.Ж [5-р бодлогыг яг зөв бодолт хийсэн]

Бодлогын анализ:

1. Илтгэгч тэгшитгэл, шийд олох: Ер нь бол орлуулах арга хэрэглэж байгаад л квадрат тэгшитгэл бодоод хариуг нь гаргана. Өгөгдсөн юмнуудаа жоохон хувиргаад л бараг болчих байсан даа. Анхааралтай харсан бол болох байсан. Алдсан хүмүүсийн хувьд бол тоо үржиж, хуваахдаа л гэнэдсэн байх шиг байсан. Амархан бодлого учраас их юм бичих шаардлага байхгүй байх аа. Ер нь бол 1-р бодлого ихэнх хүмүүсийн хувьд хамгийн амархан бодлого байх болно гэж бодож байна. 1-г бодоогүй, шууд чадах бодлогуудаа бодчихсон, өөр ганц нэг бодлого бодоогүй байвал 1-г оролдвол хамгийн боломжтой.

2. Квадрат функцийн аргумент олох: Уламжлал авч оройн цэгээ олоод л, оройн цэгээс илүү хол байгаа цэгээ орлуулаад л.... гээд зөндөө бичиж байна даа. Дахиад л алдсан хүмүүс байна. Энэ бодлого дээр онцлог ганц зүйл байгаа нь a>0 ба a<0 цэгүүд дээр ялгаатай 2 шийд гарах байгаа. Зарим нэг хүмүүс 1 шийдийг нь хаясан. Мөн хэд хэдэн хүн гоё гоё алдаа гаргасан байна лээ [жишээ нь 2a/2a=0 .. :P ] Бас худлаа бодолт хэд хэд харагдсан. Тэр хүмүүс ер нь бол юм бодох хэрэгтэй шүү! 5-дха авч байгаа бодлогыг бодох аргыг мэдэхгүй байна гэхээр энэ сорилоос ер нь бол юм сурах хүсэлгүй байгаа мэт л харагдаж байна.

3. Гурвалжны талбай олох: Олон хүмүүс олон аргаар бодсон байсан. Хамгийн гоё арга нь координатын систем дээр байгуулалт хийж байгаад тэгш өнцөгт болгож гүйцээгээд, илүү т/ө-н талбайгаас 3 талд нь байгаа 3 гурвалжны талбайг хасаж хариугаа гаргах. Хэд хэдэн хүн ашигласан байсан. Өөр аргууд гэвэл (1) Шулууны тэгшитгэл бичиж байгаад цэгээс шулуун хүртэлх зай олоод, тэр нь өндөр болох тул сууриар нь үржүүлээд 2-т хуваах (2) талуудынхаа уртыг олоод косинусын теоромоор хоорондох өнцгийг нь олж байгаад a*b*sinA/2 -р талбайг олох (3) Герионы теоромоор талбайг нь олох [болох нь болно. Асар их анхаарал шаардана. Жоохон алдвал 0 оноо. Муу арга л даа [би ингэж алдсан. :P] ….. Ер нь бол нийтээрээ алдсан юм санаанд орохгүй л байна. Тэгэхдээ асар худлаа хариунууд нэлээн хэд байсан. Над шиг л манарсан нөхдүүд байсан юм шиг байгаан.

4. Гурвалжин дээр анализ хийх: Өнцөг бол амархан. Косинусын теором. BD тал ч гэсэн амархан олдохоор байсан. BD-г биссектрисийн чанар бичээд олчихож болно, асуудал багатай. AD-н уртыг олох л хамгийн гоё бодолттой хэсэг нь байсан. Шилдэг бодолт нь: (1) биссектриссийн чанар талбайн харьцаа дээр ч биелдэг учраас AD нь жижиг гурвалжныг анхныхтай харьцуулахад BD:BC харьцаатай талбайтай болгож хуваана. Эндээсээ талбайн томьёо бичээд AD-г хялбархан олж болно. Энэ бол хамгийн амархан бодолт. Нэг л хүн хийсэн нь В.И.Багш байлаа. :) Бөөнөөрөө хийсэн дэмийрэлт байгаагүй ээ.

5. Гурвалжин тоолох: Гурвалжин 3 оройтой. Иймд Нийт 9 цэгээсээ 3-г нь сонгоод гурвалжин байгуулах ёстой. Боломжийн тоо нь 9C3. Гурвалжин үүсэхгүй тохиолдол нь нэг тал дээр 3 цэгээ сонгочихвол шулуун болчихно. Иймд бид нар нэг тал дээр 3 цэг сонгож авч болохгүй байх нь. Нэг тал дээр байгаа 4 цэгээс 3-г нь сонгох боломж 4C3. Нийт 3 тал байгаа тул 3*4C3. Хариу = 9C3-4*4C3 . Энд ер нь бол бодлогоо ойлгоогүй хүмүүс нэлээн олон байгаа юм шиг санагдсан. Төсөөлж ч чадахгүй байгаа хариуг маань гаргасан. :P … Комбинаторик ерөнхийдөө л сул байгаа юм болов уу даа гэж санагдсанаа дээр бичсэн. Тийм болохоор сайн давтаарай! [Саруул (3-1) бүх боломжыг нь гараар тоолоод зөв гаргачихсан байсан. Гүн ухаан!]

6. Шүргэгчийн тэгшитгэл бичих: 6 ба 7-р бодлого арай хүндэвтэр байгаа болохоор хүүхдүүд цөөхөн оролдож байгаа нь харагдаж байна.. Нэг талаас зөв ч юм шиг, нэг талаас буруу ч юм шиг.. мэдкүэ.. Энэ бодлогын бодолт гэвээс бидэнд a,b гэсэн 2 үлмэдэгдэгч байгаа тул 2 тэгшитгэл хэрэгтэй. (1) Муруйн тэгшитгэл дээр орлуулаад a,b -с хамаарсан нэг тэгшитгэл. (2) Шүргэгч нь 1 тул аль алинийх нь өнцгийн коэффициент тэнцүү байх ёстой тул 2 функцээсээ уламжлал авч байгаад 0-тэй тэнцүүлнэ. Эндээс х-н утга олдох бөгөөд орлуулвал a,b-с хамаарах бас нэг тэгшитгэл гарч ирнэ. Энэ 2-г системлээд шийдээ олно.

7. Дараалал: Харьцангүй хүндэвтэр юм шиг харагдаж болох бодлого байлаа. Тэгэхдээ нээх ч хүнд байгаагүй юм аа, үнэндээ. (1) Ерөнхий гишүүний томъёог уул нь бол хэн ч олох ёстой байсан. Сул 8 оноо. Алдсан хүмүүс харамсалтай. (2) Яг иймэрхүү хэлбэртэй л байх юм бол [1] Ямар нэг байдлаар ялгавар болгож байгаад хураана [3] хаалтны өмнө ерөнхий үржигдэхүүн гаргана... гээд цээжилчих хэрэгтэй юм шиг. Тэгээд тохиолдол шалгаж байгаад олчихсон ч болно доо. Өмнөх шалгалтууд дээр хэд хэд ирсэн бодлого байлаа. (3) Энэ хэсэг арай хүндэвтэр. N++ үед A_n-- гэдгийг ажиглачихвал n=100 үед тэнцэлдээ хүрнэ гэж байгаад л a_max -г олох байсан... Сануулах юм гэвэл хүнд бодлого дотор ч сул оноо байж болохыг хараарай.. л гэе.

Сорил 5 нэг иймэрхүү. Яг одоо IT-н нэг онлайн тэмцээн эхлэх гэж байгаа тул яаравчлан дуусгав.

Хүндэтгэн ёсолсон: яараад байгаа zoloogg.

======

Татаж авах: Dropbox

Сорил 5: Бодлого

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 4: Бодолт

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 4: Анализ

Сорил 4.

Ерөнхий дүгнэлт: Хоёр ангийн дундаж дүн нэлээн муу байлаа. :( [3-1: 15.9 ; 3-2: 34.1] Бодлогуудын хувьд бага зэрэг хүндэрсэн бөгөөд бодлого таних талдаа арай сайжирсан байна. Ер нь бол мэдрэмжгүй дэмийрсэн, гариг андуурсан бодолтууд харьцангүй цөөн байлаа. Жижиг алдаа гаргах нь харин багасаагүй мэт л байна.

Эхний 5 сорилоос бүлэг сэдэв тус бүрд хир байгаа тухай дүгнэлт хийх бодол байна. :) .. Та бүхний ерөнхийдөө давтах чиглэлд тус болох байх аа.

Хэд хэдэн сорил дараалан жигд амжилт үзүүлж буй, сайн ахиц гаргаж байгаа магтахаар сурагчид байна аа! /Алга тавих/ 4 Билгүүн.А [3-1], Золзаяа.Б [3-2], Сэлэнгэ.Д [3-2] Эрчээ битгий алдаарай.

4-р сорилын аваргууд: Энхбат.О [Хамгийн өндөр оноо], Анар-Эрдэнэ.Б [Чанартай бодолт, өгцөм өсөлт], Билгүүн.А [Эхний 3 бодлогыг бол нам! Эхний ээлжинд энэ түвшинд ядаж хүрцгээе.], Түвшин+Анар [Шулууны тэгшитгэлийг бодсон, гүн ухаантнууд. :D], Сэлэнгэ.Д [7-р бодлогыг чанартай бодсон. Мундаг], Анударь.Л [Логарифмтай бодлого дээр гүн ухааны бодолт хийсэн. Дажгүй шүү!] ….. Zoloogg [анализ бичсэн.. хахахаха. наргиа]

Бодлогын анализ:

1. Логарифм тэгшитгэлийн шийд олох: Иймэрхүү хэлбэрийн бодлого 9,10 -р ангидаа нэлээн олон бодсон санагдаж байна. Бүтэн квадрат ялгаад (sqrt(a))^2=|a| зарчмаар бодох бодолт хамгийн амар нь байсан. Бүтэн квадрат ялгагдаад, язгуурууд нь хураагдана аа. Энд гаргасан нийтлэг алдаа гэвээс логарифмийн үйлдлүүдээ алдаад байх юм! log(a-b)=log(a)/log(b) гэж бичсэн гэх мэтээр. Эд нарыг сэргээн санаарай. [Энэ бодлого дээр харьцангуй олон төрлийн бодолт харагдсан. 3-р сорилын 4-р бодлого дээр бичсэн аргатай төстэй байдлаар бодож болох байсан. Сонирхож байвал судлаарай.] ТӨСӨӨТЭЙ БОДЛОГО: х10-13

2. Виетийн теоромын хэрэглээ: Энэ дээр шийдийг нь олоод, орлуулаад явж болох л байсан. Тэгэхдээ энэ бол гоё бодолт биш. Виетийн теором ашиглаад, бага зэрэг хувиргалт хийгээд л бодчихдог бодлого, өмнө нь хангалттай олон бодсон. Энд харин гайхал төрүүлсэн нь маш олон худлаа хариу гаргасан байлаа. Хамгийн түгээмэл нь 210,105. Шалгааныг нь харахад бүтэн квадрат буруу ялгасан, кубын томьёо буруу хэрэглэсэн. 7-н томьёогоо мартсан бол эргэн санах хэрэгтэй шүү! ТӨСӨӨТЭЙ БОДЛОГО: х71-17

3. Тэгшитгэлийн ХИУ, ХБУ, үнэлэх: Тооны квадрат 0-с их буюу тэнцүү байна гэдгийг ашиглаад х, у-н утгын мужыг гаргачихна. Хойд тэгшитгэл дээр x^2 -г орлуулж байгаад квадрат тэнцэтгэлээ уламжлалын шинжилгээ ашиглаж байгаад ХБУ, ХИУ-гаа олно. Энэ хэлбэрийн бодлого БҮХ СОРИЛД ОРСОН. Аль цэг дээр утгаа авахыг буруу олсон хүмүүс бол нэлээн хангалтгүй л гэсэн үг. :( Аа бас нэг хэлэх зүйл, хүмүүс хариултын хуудас дээр -3 <= x,y <= 3 гэсэн хариугаа бичихгүй юм. Ингээд 6 оноо баяртай! Анхааралтай байгаарай. ТӨСӨӨТЭЙ БОДЛОГО: х19-26

4. Шүргэгчийн тэгшитгэл бичих, зай олох: Шүргэгчийн тэгшитгэлийн олох нь бусад бодлоготой харьцуулахад арай хүнд байх нь байсан. Тэгэхдээ тийм хүнд бол биш байж ээ. Багшийн болон Түвшингийн бодолт [Хавсралтаас хараарай] нь шулууны тэгшитгэл, тойрог дээр цэг орших нөхцөлүүдийг гоё ашигласан байгаа. Харин Анарын бодолт шүргэгчийн тэгшитгэл [x*x1+y*y1=r^2] ашиглаад хөөрхөн шийдсэн байсан. Аль аль нь сонирхолтой бодолт. Анхаарч хараарай. Ерөнхийдөө цөөхөн хүн оролдсон тул алдаа гэх юм цөөн байх шиг байна. Харин зайг олох нь амархан байсан шүү. Пифагорын теором бичихэд л хангалттай. Сул оноонуудыг олж харцгаая.. гэж. ТӨСӨӨТЭЙ БОДЛОГО: х87-51

5. 4 өнцөгтийн талбай, косинус: Гүдгэр 4 өнцөгтийн эсрэг орших өнцгүүдийг нийлбэр 180^o байна гэдгийг ашиглаад, ерөнхий диагоналын урт тэнцүү байх тул 2 косинусын теором бичээд л cosA-г олчихож болно. Амархан гарч байгаа. Харин талбайг a*b*sinA/2 томъёогоор олчихвол амар байсан. Хийж үзээрэй! Энд анзаарагдсан юм нь нэлээн олон хүүхэд косинусын теоромыг буруу бичсэн байсан. Мартамхай.. хаха. :P ТӨСӨӨТЭЙ БОДЛОГО: х31-33

6. 2-тын дараалал: Доод коэффициент нь 2-н зэргүүд учраас энийг binary sequence гэж нэрлэдэг. Мэдээлэл зүйн амархан онолын бодлогын гаргалгаа байлаа. :P Ер нь бол бодлогод асуусан зүйлсийг (1) гараар шууд тоолох, нэмэх (2) зүй тогтолыг ажиглаад, Sum ашиглах.. гэсэн 2 арга бий. Аль аль нь өөр өөрийн давуу талтай, бас сул талтай. Sum ашиглахдаа сайн бол томъёог нь амархан гаргаж аваад, үржүүлчихвэл зүгээр. Ерөнхий бодолт учраас энэ нь зүгээр гэх үү дээ. Хүүхдүүд нэлээн оролдсон байсан ч оноо аваагүй худлаа хариунууд бас л олон байлаа. Гараар тоолох бол анхааралтай байх хэрэгтэй байх. 10 орчим юм л нэмэх болохоор уул нь бол гайгүй. [Жич: Binary sequence-н нийлбэр гоё хэлбэртэй байдаг. Судалж үзээд, цээжилвэл дараа хэрэг болж магадгүй. Хэхэ] ТӨСӨӨТЭЙ БОДЛОГО: х62-34

7. Аналитик геометр: (1) шулуун ба нормаль шулууны өнцгийн коэффициентийн үржвэр -1 байна гэдгийг ашиглаж байгаад, уламжлал ашиглаад шулууны тэгшитгэлүүдийг амархан гаргаж болно. Огтлох цэгүүдийг ч гэсэн хялбар тэнцүүлээд олно. Харин bc-н хамгийн бага утгыг уламжлалын шинжилгээ, эсвэл кошийн т/б [энэ бол гүн ухааны бодолт. Хаха] ашиглаад олно. Харамсалтай нь энэ хамгийн бага зайг олсон ганц хүн байна, тэр хүнийг бид нар “багш” гэж дууддаг ажээ. Алдаа гэхээсээ илүү бодлогоо ойлгоогүй хүмүүс нэлээн байгаа мэт л харагдлаа. Төсөөтэй бодлого болон тэр хавийн бодлогуудыг бодсон нь дээр байх аа. ТӨСӨӨТЭЙ БОДЛОГО: х114-28

За нэг иймэрхүү байдалтай 4-р сорил өндөрлөж ээ. :) … Дараа дараагийн сорилуудад хичээгээрэй! Анализаас болон бодолтоос асуух, ойлгохгүй юм байвал асууж болно оо.

Хүндэтгэн ёсолсон: “хүндэтгэн ёсолсон” гэж худлаа бичсэн zoloogg. [Үнэндээ кийборд л товшсон]

======

Татаж авах: Dropbox

Сорил 4: Бодлого

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 3: Бодолт

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 3: Анализ

Сорил 3.

Ерөнхий дүгнэлт: Эхлээд энэ удаагийн сорил харьцангүй хөнгөн байсан гэдгийг сануулж хэлэхийг хүсэж байна. Даанч гүйцэтгэл ер нь хангалтгүй талдаа байлаа. :( Алдаа гаргах нь багасахгүй л байна даа.. Онцолж хэлэх юмнууд гэвэл:

1. Хэрэггүй бодолт хийхээ болиоч ээ! Энэ сорилууд болон бид нарын өгөх жинхнэ шалгалтууд маань хариуг гололж шалгах болно. Бүх хүүхдүүдийнхийг нийлүүлж үзвэл цаасан дээр бичсэн юмныхаа 30-40% -д нь л оноо авсан байх. Тэгэхээр ихэнх нь хоосон.. гэсэн үг! Чанар, зөв хариунд анхаарцгаагаарай.

2. Хариугаа шалгах аргуудыг хэрэглээч ээ! Худлаа байгаа нь илэрхий хариунуудыг ерөөсөө шалгахгүй байгаа юм шиг л санагдлаа. Хариугаа шалгаж болох хэд хэдэн боломжууд шууд харагдаж байна. Энэ тухай анализуудаас тусад нь нэг юм бичнэ ээ.

3. Зарим нэг хүмүүс бодолт нь байхгүй хэрнээ зөв хариу гаргах, буруу бодож байгаад зөв хариу бичих.. гэх мэт юм ажиглагдаад байх юм!!! За яахав, багш бид хоёрт шалгалт өгөөгүй гэдгээ хэзээ ойлгохыг нь харж л байхаас..

----

БОДЛОГЫН АНАЛИЗ:

1. Хоёр цэгээс ижил зайтай шулууныг олох: Ер нь бол амархан бодлого. Олох цэгийн координатыг P(x,0) гэж байгаад л 2 цэгийн хоорондох зайн томъёог PA, PB дээр бичээд тэнцүүлчихнэ. Эндээс шугаман тэгшитгэлийн шийдийг олоод л бодлогоо бодчихно. Хамгийн эхэнд авах 12 оноо байсан гэхэд хилсдэхгүй. Алдаа гаргасан нөхдүүд ерөнхийдөө 2 хэсэг байх шиг байна. (1) X тэнхлэг дээр байна гэдгийг ашиглаагүй. Өгүүлбэрээ сайн унших хэрэгтэй юм болов уу даа.. (2) Арфиметик алдаа гаргасан. Нэг үл мэдэгчтэй шугаман тэгшитгэлийн шийд алдаад байвал одоо яая гэхэв дээ! Анхааралтай бай л даа. (3) [2 хуваана гэсэн хаха] Алив залуус аа! Аналитик геометрийн бараг хамгийн энгийн бодлого байхаар юм алдаад байна шүү. Энэ бодлого дээр юу ч бичээгүй хүмүүс байвал энэ сэдвийг нэлээн анхааралтай судлахгүй бол ч.. ТӨСӨӨТЭЙ БОДЛОГО: x78-2

2. Шулууны тэгшитгэл олох: Нормаль шулуунаас нь өнцгийн коэффицентийг нь олоод, өгсөн цэгийг орлуулж байгаад шулууны тэгшитгэлээ гаргаж авна. Бодолт нь бол ерөнхийдөө амархан. Худлаа хариунууд гаргасан хүмүүс нэлээн олон байсан нь сонирхол татаж байна. O-o ... Энэ бодлого дээр онцолж хэлэхэд "хариугаа шалгаач ээ!!!" та нарын гаргасан хариунууд чинь өгсөн (2;1) цэгийг дайрахгүй байгааг хялбархан харж болох байх. :D ТӨСӨӨТЭЙ БОДЛОГО: x79-13

3. Зэрэгт функцийн коэффициент олох: Ерөнхий бодох аргыг нь багшийн бодолтоос хараарай. Ер нь бол P(x)=(x+c)*Q(x)+T(x) бол x=-c үед P(-c)=T(-c) гэж байгаад P(-1)=P(3) гэж байгаад л хялбар бодчих байсан. Бодолтонд зарцуулах хугацаа ~1 минут! Энэ бодлого дээр онцгойлон анхааруулах юм нь ОЛОН ГИШҮҮНТИЙН БАГАНАН ХУВААЛТЫГ битгий ашиглаач ээ! Ер нь бол нийт сурагчдын 70% нь ашигласан байна лээ. Тэгэхдээ энэ чинь тийм сайн арга бол биш л дээ. :( ... Хүүхдүүдийн хагасаас илүү нь хувааж явахдаа тоо алдсанаас болж буруу хариу гаргасан... Ашиглаж болохгүй гэж хэлэхгүй л дээ, тэгэхдээ сайн бодолт бол биш ээ. Дараагийн удаа илүү хялбар аргыг нь түрүүлж хайхыг хүсье. ТӨСӨӨТЭЙ БОДЛОГО: x74-39

4. Үсэгт илэрхийллийн шийд олох: Энэний бодолт мангар амархан юм байна лээ. :P Өгөгдсөн илэрхийллээ бүхэлд нь квадрат зэрэг дэвшүүл, орлуул, буцаад язгуур ав! хаха... Ингээд л болоо. Энэ аргаар бодсон хэд хэдэн хүүхэд байсан нь сайшаалтай. Энэнээс арай хүнд байдлаар бодоод, зөв хариугаа гаргасан хүмүүс ч гэсэн цөөнгүй байсан. Дажгүй ээ.. Харин түгээмэл алдаа гэхээр юм нээх харагдсангүй. x-y -г x+y -р орлуулсан зарим нэг хүнд гаруудыг л тооцохгүй юм бол. :P .. Жич: Хариугаа шалгах үүднээс шийдүүдийг нь олчихож болж байсан. Буруу хариу гаргасан хүмүсү анхаарууштай. [Би өөрөө алдсан болохоор.. бас шүүмжлэхээсээ жоохон санаа зовоод байна өө.] ТӨСӨӨТЭЙ БОДЛОГО:

5. Илтгэгч илэрхийллийн шийд олох: Ер нь бол орлуулга ашиглаад квадрат тэнцэтгэл биш болгож байгаад бодох байсан. Энийг харин санаснаас дажгүй бодсон байсан шүү. Тэгэхдээ хангалттай гэж ч хэлэхгүй л дээ. :( ... Гол гаргасан алдаа нь гэхээр log_{3}(x) =-2 => x=1/9 ; log_{3}(x) =1 => x=3 .. гэсэн шийдийг нь олж бичихдээ л жоохон алдаад байх шиг байсан. Логарифмийн үндсэн үйлдлүүдээ эргэн харах хэрэгтэй байж болох юм. ТӨСӨӨТЭЙ БОДЛОГО: x108-31(3)

6. Тригнометр функцын шийд олох: Энэ бодлого дээр эхлээд анхаарах ёстой байсан юм бол: бид нар хариу гаргах гэж байсан. :D тийм болохоор яг баталгаатай гаргалгаа гэхээсээ илүү sinx+cosx -н утгыг олж болохоор байсан гэхүү дээ. Хялбархан харьцуулалт хийгээд sinx=0 ; cosx=1 гэсэн хариуг олно оо.. Яахав, дараа нь цаг гарвал өөр шийд байгаа эсэхийг нь шавхаж болно шүү дээ. Энэ бодолтыг "шийдийг нь үнэлэх" гэж нэрлэдэг гэсэн [via В.И.Багш] .. Алдаа гээд байхаар юм бас санаанд орж ирдэггүй ээ. Баахан тригнометрийн хувиргалт хийж явж байгаад л хаа нэгтээ гацсан хүмүүс олон байсан. Тэгэхээр алдаа гэхээсээ илүү, бодолтыг нь олоогүй гэх нь зүйтэй байх. Дараагийн удаа ядаж шийдийг нь үнэлэх тухай хальт бодож үзээрэй. (Жич: та нарын гацсан sinxcosx-г бусдаар нь илэрхийлэх арга ер нь бол гайгүй. Хичээл дээрээ үзсэн байгаа. 3-1 -нхэн бол яг шалгалт авахын өмнөх цаг дээр тийм бодлого бодсон гэсэн. Тэгж байхад ийм хангалтгүй байна гэдэг асуудал шүү! Хичээл дээрээ илүү анхааралтай байх хэрэгтэй.) ТӨСӨӨТЭЙ БОДЛОГО: x95-9

7. Цилиндрийн эзэлхүүн олох, ХИУ олох: Огторгуйн геометрийн амархан бодлого байлаа. Ерөнхий томъёонуудыг нь гаргаж чадсан бол зүгээр л гарын үзүүрээр хувиргалт хийгээд л болчихно оо. Томъёогоо ер нь бол гадарлаад байх шиг байгаан [гаргалгаа нь харагдахгүй хэрнээ, шууд хариу маягтай юмнууд харагдаад байсан шүү! Сэжигтэй л гэсэн үг.. Больцгоо лдо] Харин хувиргалт дээрээ ирээд л алдаад байгаа юм даа. Бас уламжлал дээрээ алдах гээд.. Хайнга байна шүү. + Нэлээн олон хүүхэд хариугаа бичихдээ R=2 гэж бичээгүйгээс болж 5 оноо алдсан. Анхааралтай. айн! Харин алдаа гэж хэлэх юм бас цөөхөн л байна. Ер нь бол "алдах боломжгүй бодлого" гэж хэлсэн ч хилсдэхгүй л юм байгаан. Тэгэхээр хэлэх юм алга даа.. ТӨСӨӨТЭЙ БОДЛОГО:x119-65

За нэг иймэрхүү л байна даа.. Санал хүсэлт болон асууж тодруулах зүйлс байвал харамгүй хэлнэ үү. Модон чихэр авч өгөх болно. :P

Хүндэтгэн ёсолсон: Тогломоор санагдсан zoloogg

======

Татаж авах: Dropbox

Сорил 3: Бодлого

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 2: Бодолт

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 2: Анализ

Анализ - Сорил 2 /2013.02.26-27/

Ерөнхий дүгнэлт: Энэ сорилыг ер нь бол нэлээн муу хийцгээлээ. 3-нхны дундаж 25% орчим л байх шиг байна.. Уул нь 4,7-с бусад бодлогууд нь гайгүй амархан бодлогууд байсан.. Энэ хэлбэрийн шалгалтуудад хангалттай дасаагүй байгаа нь бас харагдлаа. Цаасан дээр бичсэн нийт юмныхаа 1/3 эсвэл ¼ -н нь л оноо авсан хүүхдүүд маш олон байгаа. Дараагийн шалгалтнаасаа бодлогынхоо хариуг л зөв гаргахад анхаараад, дутуу бичсэн хэрэггүй олон юм хийхгүй байхыг хичээгээрэй. Ер нь бол 1,2,3-р бодлого харьцангүй амархан байх нь ойлгомжтой тул ядаж энэ 3-г алддаггүй болоход анхаарах хэрэгтэй байна.

Энэ шалгалтын бүх бодлогуудыг хамгийн дажгүй аргаар нь бодсон бодолтыг нийтэлсэн байгаа. Тийм болохоор анализ дээрээ тухайн аргыг ерөнхийд нь томъёолж бичлээ. Харин анализаа голчлон ихэнх хүүхдийн алдсан түгээмэл алдааг хамруулж, анхааруулах зорилгоор хийлээ.

Мөн зарим нэг хүмүүс шалгалтаас өмнө бодлогыг нь мэдэх оролдлого хийж байгаа тухай сонслоо [баталагаагүй л дээ]. Хэрвээ тийм бол: дэмий шүү дээ! Дахиж битгий тэгээрэй.

------

БОДЛОГЫН АНАЛИЗ:

1. Бүхэл, бутархай хэсэг олох: Хосмогоор нь үржүүлэх нь ойлгомжтой байсан байх. Ихэнх хүмүүс бүхэл хэсэгээ зөв олсон. Цөөн хүмүүс бүхэл хэсгийг нь 4 гэж авсан байсан. [-3.7]= -4 , харин [3.7]= 3 гэдгийг анхаарна уу. Харин бутархай хэсгийг олохын тулд x=[x]+{x} гэж байгаад {x}=x-[x] гэж олох байсан. Маш олон хүн 0.7 гэж бичсэнээс болж оноо алдсан. Ойролцоолол ашигласан хариу тул буруу гэж авсан. [Монбушо дээр ашиглаж болдог байж магадгүй юм шиг байна лээ.. ] ТӨСӨӨТЭЙ БОДЛОГО: х11-20

2. Квадрат функцийн коэффицент олох: квадрат функц ax^2+bx+c=0 байх ёстой гэж үзээд 2 цэгээ орлуулаад 2 тэгшитгэл, уламжлал аваад 2-г орлуулаад дахиад 1 тэгшитгэл гаргаж аваад эндээсээ 3 үлмэдэгдэгчтэй 3 тэгшитгэл бодоод a,b,c тоог олох ёстой. 2 төрлийн алдаа л ерөнхийдөө ажиглагдсан юм байна. (1) тэгш хэмийн тэнхлэгийн х координат нь оройн цэгийн х болно гэдгийг бодоогүй тул нэг тэгшитгэл дутаад шийдээ олж чадаагүй. (2) Арфиметик алдаа [Ихэнх нь]... 2-р алдааны хувьд бол шүүмжлэлтэй л байна. Гарсан хариу дээрээ (2,-2) ба (5,4) гэсэн 2 цэгээ орлуулж үзээч ээ!! Алдаатай эсэхээ шалгах найдвартай, бас хурдан арга шт.. ТӨСӨӨТЭЙ БОДЛОГО: х17-7
3. Гурвалжны талбайг олох: Синусийн харьцаа өгөгдөн бол Синусын теором ашиглах нь бараг л илэрхий байсан юмсан. Ер нь бол талуудын уртын харьцаа нь синусын харьцаатай яг адилхан байдаг гээд цээжилсэн ч болно. Энэ бодлого дээр асар олон тооны хүүхэд МАШ ТОМ АЛДАА гаргасан. Синусын харьцаа нь өнцгийн харьцаатай тэнцүү биш!!! 15x=180grad, x=12grad гэсэн бодолт бичсэн бол үнэхээр том алдаа шүү.. Тийм харьцаа огт байхгүй. ТӨСӨӨТЭЙ БОДЛОГО: х29-19

4. Комбинаторик: Уул нь нэлээн амархан л комбинаторик өгсөн байсан. (a) хэсэг уул нь гайгүй. Эхлээд хайрцаг бүрд 1-г хийгээд [хоосон биш гэсэн тул] үлдсэн 4-г нь давталттай сэлгэмлээр гүйлгээд л амархан хариу гаргачих байсан. (b) хэсэгт нь амархан томьёо байхгүй. Тэгэхдээ боломж тоолсон бол 30 секундэд л шалгах байсан.. Амархан! Ер нь бол 7 бөмбөг гэсэн болохоор бүх боломжийг нь бичээд бодчих бодолт маш амархан байх байсан. 1-1-5, 1-2-4, 1-3-3, 2-2-3 гэж хуваах л боломж байгаа. Энийгээ A,B,C-р нь салгавал нийт 15, хамгийн олондоо 6 гэсэн хариу амархан гарах байсан. Энэ бодлогын хувьд түгээмэл алдаа гэх зүйл ажиглагдсангүй. Бодсон нь цөөхөн, оролдсон нь ч бас цөөхөн байлаа гэх үү дээ. Комбинаторик гэхээр л битгий ай л даа. Ядаж гараар гүйлгэх гээд үз. ТӨСӨӨТЭЙ БОДЛОГО: х44-28,31
5. Илтгэгч функцийн ХИУ, ХБУ: 3^x =t гэж орлуулаад л y=t^2-6t+1 (1<=t<=9) гэж бичээд л амархан бодчих байсан. Алдаа гаргасан хүмүүсийн дотор хамгийн түгээмэл нь t=9 цэг дээр МАХ утгаа авна гэдгийг олоогүй хүмүүс л дийлэнх нь байх шив. Яагаад алдсан юм бол, бүү мэд. Уул нь өмнөх шалгалтад маш адилхан бодлого байсан болохоор бүгд л бодох ёстой байсан. ТӨСӨӨТЭЙ БОДЛОГО: х105-18

6. Дараалал: Язгуураас гарах тоон утга нь 1 байх- 3, 2 байх- 5, 3 байх- 7 тоо байгаа.. гэдгийг тоонуудаа бичиж байгаад л харчих байсан [Энийг нэлээн олон хүүхэд чадсан, дажгүй шүү] Харин эндээс цаашаагаа л дампуурч байгаа нь даа. Энэ тоонуудаа харвал 1*3, 2*5, 3*7 гэх зэрэг хэлбэртэй байгааг хялбар харж болно. Ингээд шинэ гарч ирсэн дарааллаа ялгавар дарааллаар ерөнхий гишүүний томьёо олох, эсвэл хялбар таах гээд яаж ч болох байсан. Дараа нь Summa-даад нийлбэрээ олно. Энэ хүртэл явсан хүн харьцангүй цөөхөн байсан тул алдаа гэх юм ч бараг алга. Заавал хийж үзээрэй!!! ТӨСӨӨТЭЙ БОДЛОГО: х61-30

7. Геометр: Би дургүй ээ.. гээд дахиад хаячихдаг юм билүү. Хаха. Энэ тэгэхдээ гоё геометр байсан шт! Бодолтыг нь хальт тайлбарлавал: Эхлээд P,Q цэгүүдээ тоон утгаар нь олоод харвал y координатууд нь тэнцүү байгаа. Ингээд байгуулалт хийж байгаад R цэгээ олж аваад, талбайг нь гурвалжны төсөө, эсвэл зүгээр л тоон утгуудаар нь олж болох боломжууд байсан. Бодолтыг үзээрэй! Энэ бодлого дээр бодолт хийсэн хүн ч цөөхөн. Харин зургийг нь зурахдаа бүүр ямар ч төсөөлөлгүй байгаа юм шиг л юмнууд хийсэн хүмүүс нэлээн олон байсан шүү. Анхаарна биз. :) ТӨСӨӨТЭЙ БОДЛОГО: х120-69

За нэг иймэрхүү л юм толгойд орж ирлээ.. Асуух зүйлс, эсвэл санал сэтгэгдэл байвал хэлээрэй. Хүлээн авахдаа таатай байх болно.

Нээрээ! Энэ анализд тэмдэглэсэн байгаа ТӨСӨӨТЭЙ БОДЛОГУУДыг Д. Алтангэрэл багш сонгож өгсөн болно. Тэгэхээр ер нь бол чанартай гэдэг нь ойлгомжтой. Тэд нарыг бодоорой.

Хүндэтгэн ёсолсон: Гар нь загатнасан zoloogg. 

======

Татаж авах: Dropbox  

Сорил 2: Бодлого

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 1: Бодолт

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Сорил 1: Анализ

Анализ - Сорил 1 /2013.02.25-26/

Ерөнхий дүгнэлт: Энэ удаагийн шалгалт анх удаагийн stress test байсан болохоор олон хүүхэд дутуу бодолт хийх, хариултын хуудас дээр дутуу тэмдэглэх зэрэг алдаа хамгийн түгээмэл байлаа. Одоо хариу дээрээ 1 л цифр алдах юм бол бодлого чинь тэр чигээрээ оноо авахгүй болохоор.. анхааралтай байгаарай!!

Маш цөөн тооны хүмүүс өөрийн чадах бодлогоо хамгийн эхэнд шууд бодоод, сүүлд нь хэцүү бодлогуудыг бодсон байсан. Чухал чадвар шүү! [3-2 -нхон 2-р тест дээр энэ тал дээр мэдэгдэхүйц сайжирсан байсаан..]

------

БОДЛОГЫН АНАЛИЗ:

1. Шулуун ба тойргийн огтлолын цэгийг олох бодлого: Ихэнх хүүхэд орлуулгаа зөв хийгээд 5y^2-5y=0 тэгшитгэлийг гаргаж ирсэн. Гэвч ихэнх нь 5y(y-1)=0 => y-1=0 => y=1 x=2... гэсэн ганц шийд гаргасан байна. Энд y=0 , x=0 шийд байж болно! Ингээд 6 оноо алдсан хүмүүс маш олон. ТӨСӨӨТЭЙ БОДЛОГО: x85-44,45 ;

2. Олон гишүүнтийн хуваагдал: Нийт хүүхдүүдийн 80 орчим хувь нь баганан бичлэгээр хуваасан байсан.. Тэр дунд ганц тэмдэг алдаад [хаалттай тоонууд нэмж, хасахдаа голдуу алдсан] 12 оноо байхгүй болж байгаам даа.. Хамгийн гоё бодолт нь уламжлал авч бодох арга байгаа. :D ... ТӨСӨӨТЭЙ БОДЛОГО: х75-42-47.. 43, 44 бол бүүр яг адилхан! Уламжлал авч бодож үзээрэй.

3. Олон гишүүнт илэрхийлэл: Магтууштай нь х тооны утгыг олж, орлуулах бодолт хийсэн хүн байхгүй. Энэ бодлого дээр арфиметик алдаа гаргасан хүүхдүүд маш олон байгаа. Анхаараарай!! Харин математик алдаа гэвэл, кубын задаргааны томъёог буруу хэрэглэсэн хүмүүс хэд хэд байсан. 7-р ангийн түвшний мэдлэг шүү дээ!! Мартчихсан бол эргэж нэг санаарай. ТӨСӨӨТЭЙ БОДЛОГО: x9-5,6

4. Тригнометр функцийн хамгийн их, хамгийн бага утгыг олох: Уг бодлого дээр багахан хувиргалт хийвэл f(x)=1+sinx-(sinx)^2 болж байгаа.. Энд sinx=t гэвэл f(x)=1+t-t^2 (-1<t<1) болно. Хамгийн бага утгыг оройн цэг дээр гэж ихэнх хүүхдүүд бичсэн. Харин хамгийн их утга нь -1 дээр гарна. Энийг нэлээн алдсан. Аа бас.. хариу бичихдээ x өнцгийнхөө утгыг бичсэн хүүхдүүд ч байгаа!!! Дараагийн удаа анхаараарай! ТӨСӨӨТЭЙ БОДЛОГО: х100-48

5. Илтгэгч функцийн шийдийн нийлбэр олох: Ер нь бол их амархан бодлого. Нийтлэг алдааг дурдвал: (1) ]1,5[ гэсэн утгын муж гаргачихаад 1+5=6 гэж олон хүүхэд бичсэн! (2) хариу дээрээ ]1,5[ гэж бичсэн хүмүүс ч байгаа. Яагаад вэ?? (3) тэнцэтгэл биш бодохдоо алдсан хүмүүс байгаа. Тэгэхдээ харьцангүй цөөхөн. ТӨСӨӨТЭЙ БОДЛОГО: х104-11

6. Геометр: Гурвалжин дотор багтсан 4-н өнцөгтийн талбайг олох бодлого.. Ерөнхийдөө муу бодсон болохоор.. Бас би геометрт дургүй болохоор юм бичих ч сонирхол алга.. :PP Гоё бодолтууд байдаг л юм байна лээ. Багшаас сайн сонсож аваарай!

7. Илтгэгч тэнцэтгэлийн хамгийн их, хамгийн бага утга: Уламжлал авч бодох бодолт нь ойлгомжтой байсан.. Хүүхдүүд нэлээн их алдаа гаргасан.. Эндээс дурдвал (1) уламжлалаа зөв авчихаад 3x^2-3(a+2)x+6a -н утгыг олохдоо D авч бодоод.. их алдсан. бүгдэнд нь *3 байгаа бол хураачихвал x^2-(a+2)x+2a гээд амархан тэгшитгэл болно. Бодоход ч зүгээр. (2) уламжлалаа 0-тэй тэнцэх шийдүүдийг зөв олчихоод максимум, минимум байх цэгээ буруу зоосон хүн зөндөө.. Орлуулж шалгаач ээ!!! (3) Максимум утгаа олчихоод, минумим утгаа олчихоод, зөв хасчихаад.. a-н утгаа олж чадаагүй хүн бас бий.. [Энэ жоохон хэцүү л дээ] Ер нь бол сул гишүүний хуваагч нь шийд болох ёстой.. гэдгийг цээжилчихвэл болох байсан. ТӨСӨӨТЭЙ БОДЛОГО: х107-17-21

-------------------------

За ийм л байна даа. :D ... Асуух юм, эсвэл энэ дээр нэмэх юм байвал хэлээрэй! Дараа, дараагийн анализийг бас иймэрхүү байдлаар хийх бодол байна. Өөрчилмөөр юм байвал бас дурдаарай. Анхаарч авъя.

Хүндэтгэн ёсолсон: Дурны хонгио zoloogg. :))

=====

Татаж авах: Dropbox

Сорил 1: Бодлого

 

Хэрвээ татаж авахыг хүсвэл: Зураг дээр очиж байгаад зүүн товчоо дараа "Save Image as..."

Эхлэл

Сорилын анализууд олон болох тусам ФБ-р болон ангид тавьсан байдлаар үзэхэд улам хэцүү болоод байх шиг байна. Энд нэгтгэхээр шийдлээ. :) Мөн сорилтой холбоотой болоно холбоогүй зарим нэг бонус бичиглэлүүд хааяа хийх болно. Хүндэтгэн ёсолсон: zoloogg --- Жич: Энд юм нийтэлж байх хүсэлтэй хүн байвал хэлээрэй, эрх өгье!